礦物粉一定好？！未必！

而家搵唔返張product相，睇返其他forum話執左。不過我記得個化妝品牌名稱係lumiere mineral，礦物粉，礦物成份。

我當時係買左base,粉底同埋碎粉，當年皮膚都未有壓力瘡，係敏感同較乾性皮膚，所以想買敏感皮膚可用的化妝品。BA仲口口聲聲話唔會敏感，一定o岩用，好保濕。咁網上 blogger/forum又講到好好咁，好啦～我信你地架喇！

😡 點知用左一次就敏感，好乾，又爛面，真係保濕？！感覺反而仲差過唔係礦物成份既base、粉底同埋碎粉，以後都唔再用礦物粉，當時問左官方，最後又係不了了知，退唔到錢。朋友買左另一礦物粉品牌 bareminerals，都話好乾，一D都唔保濕。其實太乾都會生暗瘡。BA成日為開單亂sell，我地呢D問題皮膚，所以真係要小心選擇。